مباراة القمة بين فتح وحماس

.


سيداتي آنساتي سادتي .. كابتن مصري يحيكم من استاد غزة الدولي
ويسعدني أن أذيع على حضراتكم مباراة كرة القدم بين فريقي حماس و فتح
في لقاء القمة الكبير
مباراة النهاردة قوية وفوق العادة وده واضح من الجمهور الكبير اللي جاي يشجع
على إيديك اليمين .. جمهور حماس الكبير بيلوح بالرايات الخضرة وبيهتف لحماس
وعلى ايدك الشمال .. جمهور فتح الكبير اللي جاي النهاردة بالرايات الصفرة وعندو أمل كبير في الفوز
تشكيل فريق حماس اللي لابس الفنلة الخضرة والشرط الأخضر وبيقوده رقم عشرة الكابتن خالد مشعل
حسن يوسف في حراسة المرمى
خط الضهر من اليمين للشمال محمود الزهار .. اسماعيل هنية .. سعيد صيام .. عبد الفتاح دخان
خط الوسط من اليمين للشمال خالد مشعل .. اسامة حمدان .. نزار ريان
بالإضافة لخط الهجوم محمد ضيف .. سامي أبو زهري .. مشير المصري
تشكيل فريق فتح اللي لابس الفنلة الصفرة والشرط الاصفر و بيقوده الكباتن
محمود عباس
فاروق القدومي
نصر يوسف
محمد دحلان
عبد الله الافرنجي
زكريا الزبيدي
ابو علي شاهين
موسى عرفات
جبريل الرجوب
محمد رشيد
وكلهم لابسين رقم عشرة وبيلعبو راس حربة
بالإضافة لتوفيق أبو خوصة في حراسة المرمى وهو كمان لابس رقم عشرة !
بيحكم مبارة النهاردة الحكم التشريعي روحي فتوح
والي كان معترض في البداية على حكاية ان فريق فتح كلو لابس رقم عشرة ومش معروف مين فيهم الكابتن
لكن زكريا الزبيدي أقنعو بوجهة نظرو بإسلوبه المقنع والحمد لله ان الاقناع مأثرش على نظر الحكم !
طبعاً وكالات الأنباء والصحافة العالمية مهتمة بمباراة النهاردة
وعلشان كده حتلاحظوا ان الملعب مليان صحفيين ومراسلين أجانب
كلهم جايين يغطوا المباراة اللي حتنذاع على الهوا في بث حي ومباشر على أكثر من محطة فضائية وأرضية ..
واحد يسألني ..
ليه يا كابتن المباراة مبتديش لحد دلوقتي ؟
في الحقيقة التأخير ده له حكاية ليها العجب
فريق فتح معترض على لون الفنلة بتاعت فريق حماس
وبيقول انهم اختاروا اللون ده علشان يغيظوا بتوع فتح اللي لابسين اللون الأصفر ..
طبعاً أنا مسكتش ورحت بنفسي علشان أعرف إيه وجه الاعتراض على اللون الأخضر
قلت مين يا واد يا كابتن مصري اكتر واحد ممكن يفيدك في الحكاية دي ؟
ملقيتش غير الكابتن عبد الله الافرنجي اللي لسه جاي طازة من ألمانيا
على اعتبار ان فريق فتح عندو نقص في الادمغة فاضطر للاستعانة بالدماغ الكبيرة اللي كان مرمي .. اسف .. اللي كان عايش في المانيا سنين طويلة واكيد انو اكتسب خبرة كبيرة أوي من البلد اللي خدت كاس العالم اكتر من مرة
سألتو .. ليه يا كابتن معترضين على لون فنلة حماس مع ان اللون ده بعيد عن لون فنلتكم ؟
بصلي شوية وهو بيهرش في صلعتو (دماغ بئه ) وبعدين قال : انت عارف ان ورقة الشجر الخضرة قوية
ومتينة وفيها عافية على عكس الورقة الصفرة اللي بتكون ضعيفة وقربت تُقع وتموت
ولما حماس تلبس اللون الاخضر واحنا نلبس اللون الاصفر فده يدي انطباع ان احنا زي ورقة الشجر الضعيفة
وهما الورقة القوية اللي كلها نشاط وحيوية ء
يا ابن الإيه يا دماغ !!ءءء
تصدقوا انو معاه حق انا مكنتش فاهم الموضوع بالشكل ده !!ء
اتاري بتوع فتح هارشين أفكار حماس كلها حتى في موضوع اللون !!ء
اللي عرفتو بعد كده ان المشكلة دي انحلت
بإن حماس تحتفظ بالفنلة الخضرة وتغير الشرط للون تاني ما عدا اللون الأحمر علشان جبريل الرجوب ييتعصب منو ..
ل
لكن الكارثة الكبيرة ان قبل المبارة بدقايق رفض فريق فتح ينزل أرض الملعب
لما عرف ان لون النجيلة هو كمان أخضر وطالب بتغير لون النجيلة
والحقيقة دي حاجة صعبة أوي ومش عارف اذا كان في نجيلة لونها يمشي مع مزاج فريق فتح ولا لأ
لكن أدينا بنستنى إيه اللي حيصحل
بعد ما تدخلت جهات خارجية علشان تشوف حل للون يرضي فريق فتح !ء
سيداتي آنساتي سادتي هاهما الفريقان ينزلان أرض الملعب
والظاهر موضوع النجيلة انحل لاني شايف ان الحكم ادى الكورة لفريق فتح علشان يبدأ السنترة
بما إن الارض بتعلب مع فريق حماس
ويصفر الحكم فعلا لبداية المباراة
وجماهير فتح بترقص وتغني وبتهتف لفريقها اللي لحد دلوقتي متفأوش مين اللي حيبدا السنترة
وشكلهم بيتخانقوا على مين اللي حيستنر
لكن محمد دحلان أنهى الخناقة وشاط الكورة برة الملعب رمية تماس لصالح فريق حماس
لعبها عبد الفتاح دخان توصل لنزار ريان اللي رقص عباس
وبيشوط وبتعدي من فوق راس الافرنجي لمشير المصري اللي لعبها على اليمين من بين رجلين أبو علي شاهين
توصل لاسامة حمدان اللي مشي بيها ورقص دحلان ولعبها دغري لسامي ابو زهري
ابو زهري فات من زكريا الزبيدي و موسى عرفات وبيمررها على انضيف لمحمد ضيف
ومحمد بيشوط صاروخ ..
وجوة الجوووووووووووون
الهدف الأول لصالح فريق حماس بعد مرور تلات دقايق من بداية المباراة
و بكده تصبح النتيجة واحد صفر لصالح فريق حماس
الظاهر فريق فتح بيعترض على الهدف اللي حسبو الحكم
أنا شايف موسى عرفات خلع الراية بتاعت الكورنر وعايز يضرب بيها الحكم
طبعاً قرار الحكم لا رجعة فيه وكلنا شفنا ان الجون واضح ومفهوش حاجة
وبعدين الحكم ده بالذات اختارو فريق فتح
يعني مفيش داعي للتصرفات دي خصوصاً واحنا على الهوى
والعالم كلو بيتفرج علينا
الله اللللللللللل ... ده في سلاح دخل الملعب !! ء
زكريا الزبيدي رقم عشرة ... اسف نسيت ان كلهم لابسين رقم عشرة
قصدي اللاعب اللي لابس سلسلة وصابغ شعرو بمبي نزل بندقية لأرض الملعب
وبيهدد الحكم يا إما يلغي الجون أو يموت واحد من الصحفيين الأجانب
دحلان ونصر يوسف بيهدوه وبيقلولو مش كده يا زكريا احنا مشكلتنا مع الحكم الخاين
دلوقتي جمهور فريق حماس فرحان وبيشجع اللعيبة بتعتو
وجمهور فتح عمال يشتم في الحكم ويحدف طوب والظاهر في طوبة جت في دماغ الرجوب
أنا مش عارف إيه اللي بيحصل ده
الاستاد اتقلب فوقاني تحتاني و الأجانب بيجرو خايفين من الخطف
الحمد لله اني مش أجنبي
الظاهر الحكم حيلغي المباراة لصالح فريق فتح
وفريق حماس بيعترض على القرار
وعلشان كده ححاول ألتقي بأي واحد من اللعيبة أجري معاه لقاء علشان نعرف إيه هو اللي حصل
أدامي الكابتن نصر يوسف أهو هناك يمكن يوضحلنا الصورة
ومعانا دلوقتي كابتن يوسف نصر وبنسألوا ونقول له ليه معترضين على الهدف مع انو واضح انو مش أوف صايد ؟
يا أخي بتوع حماس عارفين ان ابو خوصة متعقد من الصواريخ
واللاعب بتاعهم عارف كده كويس ومع ذلك برضو شاط شوطة صاورخ على الجون
طيب يا كابتن نصر يوسف .. مش شايف ان قرار الحكم بإلغاء المباراة لصالح فتح مع ان حماس هي اللي مسجلة الجون فيه ظلم كبير ؟
انا بحب اوضح للجماهير ان المباراة لم تلغى بسبب الجون
ولكن بسبب الطوبة اللي جت في دماغ جبريل الرجوب وفتحتها
وهذا اعتداء صريح على لعيبة فريق فتح
.. بس يا كابتن الطوبة جت من جماهير فتح اللي كانت بتحدف على الحكم
مش من جماهير حماس اللي كانت مشغولة بفرحتها بالجون
لا أحد يستطيع اثبات هذا .. ثم اللي انصاب من فريق فتح
وهذا يعطي الحكم أحقية لإلغاء المباراة لصالح الفريق المتضرر
واحنا اتضررنا لما انفتحت دماغ جبريل الرجوب
ودي أكبر دماغ عندنا
شكرا للكابتن نصر يوسف ومعلش مش حنقدر نسمع رأي فريق حماس علشان الأمن مانع الصحفيين بالالتقاء بيهم وعلى العموم كل حاجة كانت على عينك يا تاجر ومش محتاجة توضيح أكتر أشكر لكم حسن مشاهدتكم وإلى اللقاء في
مباراة أخرى !!! ء

نقلا عن منتديات ماجدة

هناك ٤ تعليقات:

غير معرف يقول...

اسمحلي يا عزيزي ...أهنئك بهبلك وغبائك المستفحل...انت واحد غبي بجدارة بتعرف ليش؟؟؟؟؟؟؟؟
انا بحكيلك ليش...
1-القدومي من اشد المعارضين لسياسة دحلان وعباس شو دخله بالمباراة؟؟؟؟!!!
2-كل اللي ذكرتهم من فريق حماس نايمين بحض ايران ولا على بالهم فقط استثني منهم الزهار ...والاعتراض على اللون الاخضر سليم بتعرف ليش؟؟؟؟؟؟ لأنو ايران صاحبة اللون الاسود وبما انه هؤلاء عملاء بني صفيون لازم يلبسوا اللون الاسود تمثيلا لأسيادهم
3- اما فتح بقلدو بحزب الله اللي دبوا بالزمانات وصاله صوت وصار يعوي مثل الكلب ولكن الحمساويين لازم يعترضوا ويحكوا انو فتح لازم تلبس يا نجمة

داوود أو الشمعدان....


وهيك طلعت انت بره اللعبة يا حكم...

وزي ما بنحكي


شيلو الحكم وحطوا حمار!!!!!!!!!


وبتحداك تنشر التعليق

بالمناسبة انا

فتحاوي محايدوكل عام وانتم بخير يا اهل الامة العربية

مع تحياتي

خالد حفظي يقول...

إلى ... المجهول
شكرا... ولا تعليق لدي وأترك الحكم للقاريء

ابو كفاح يقول...

بمتنى من صاحب المدونة يتحملني شوي لحد ما أشوف هالمسخوط هدا ماله.
أولا : أنا مش مع الافكار المطروحة في الموضوع وبعارض كثير منها

بس حابب أحكي للمجهول وفعلا مجهول العقل والهوية انت مطول لحد ما تدفن حالك مش شايف انو الدنيا ما بتخرب
غير من امتالك؟؟؟؟
ثانيا : أخي وطني اعتقد ان البقاء على صف الحيادية ربما يكون أجمل فهذه فتنة اربابها من الطرفين فلماذا ندخل بها وننجر اليها هل لأن احد الطرفين يحمل فكرنا لا اعتقد ان الانسياق وراء هذه الفتنة خيار سليم خصوصا اذا ما كان يخدم مصالح الكيان الصهيوني أو الكيان الايراني وانت تعلم ولا يخفى عليك ان لإيران يد في الموضوع وهي ساهمت في انشاء هذه الفتنة لخدمة اغراضها الذاتية عليك ان تعلم ان الشعب الفلسطيني والقضية الفلسطيني اصبح ورقة شدة دبلوماسية وعسكرية كل يضرب بها على ليلاه والخاسر الوزحيد الشعب فلماذا بدلا من أن تدعو الى وقف الفتنة تساهم بها ولو عن حسن نية؟

وفي الختام أنت حر ولكن لا أرى أن خيارك سليم

أبو كفاح

خالد حفظي يقول...

الأخ الفاضل أبو كفاح
أولا :أهلا وسهلا بك زائرا كريما لمدونتي المتواضعة
ثانيا : أحييك على مناقشتك للموضوع بهذا الهدوء واسمح لي أن أوضح شيئا مهما وهو أنه في حدود علمي لا يوجد أي نوع من أنواع السيطرة من إيران أو أي دولة أخرى على حماس بل ربما أذهب لأبعد من ذلك وأقول : إن هذه هي مشكلة حماس الرئيسية بل والوحيدة مع المجتمع الدولي , والعرب للأسف الشديد يتفرجون اما موضوع فتح فأنا على يقين بأن الغالبية العظمى من أبناء فتح الشرفاء يقفون في خندق واحد مع كل فصائل المقاومة وأتصور أيضا أن شلة المنتفعين من السلطة لن يستمر وجودهم طويلا مع يقظة أبناء الشعب الفلسطيني المجاهد
مرة أخرى عزيزي أشكرك على مرورك الكريم على مدونتي وليت الجميع يتعلمون : كيف نختلف